சில வாரங்களாக கொள்முதல் நிலையத்தில் முருங்கை வரத்து குறைந்து கொண்டே இருந்தது. மழையால் முருங்கை செடிகளில் பூக்கள் குறைந்து விட்டன. விலையும் அதிகரித்தது. கடந்த வாரம், 500 கிலோ வந்தது. கிலோ, 250 ரூபாய்க்கு விற்பனையானது.

வரத்து முற்றிலும் நேற்று நின்றது. மழை மற்றும் பூ பிடித்து, காய் காய்க்காததால் வரத்து இல்லை. முருங்கை கீரையை மட்டுமே விவசாயிகள் கொண்டு வந்தனர். வெளிமாநிலத்தில் இருந்து வரும் முருங்கை, கிலோ 150 முதல், 350 ரூபாய் வரைக்கு விற்கப்படுவதாக விவசாயிகள் தெரிவித்தனர்.