திருப்பூர், லட்சுமி நகர், மில்லர் சந்திப்பு சாலை குண்டும் குழியுமாக உள்ளது. வாகன ஓட்டிகள் தடுமாறி செல்கின்றனர். விபத்து ஏற்படும் முன் சாலையை சீரமைக்க வேண்டும்.

- விஸ்வநாத், லட்சுமிநகர். (படம் உண்டு)

திருமுருகன்பூண்டி, பெருமாள் கோவில், போலீஸ் ஸ்டேஷன் அருகே சாலை சேதமாகி குழியாகியுள்ளது. மழைநீர் தேங்கி நிற்கிறது. புதிய ரோடு அமைக்க வேண்டும்.

- சுப்ரமணி, திருமுருகன்பூண்டி. (படம் உண்டு)

திருப்பூர், 50 வது வார்டு, கரட்டாங்காட்டில் கேபிள் லைன் பதிக்க தோண்டிய குழியை சரிவர மூடவில்லை. வளைவில் திரும்பும் வாகன ஓட்டிகள் தடுமாறி விழுகின்றனர்.

- ராஜேந்திரன், பத்மினி கார்டன். (படம் உண்டு)

திருப்பூர், கருவம்பாளையம், பழக்குடோன் ஸ்டாப்பில் ஒருபுற சாலையே இல்லை. பாதாள சாக்கடை பணிக்கு தோண்டப்பட்டது அப்படியே விடப்பட்டுள்ளது; ரோடு போட வேண்டும்.

- குமரேசன், கருவம்பாளையம். (படம் உண்டு)

வீணாகும் தண்ணீர்

திருப்பூர், அவிநாசி ரோடு, புஷ்பா தியேட்டர் ஸ்டாப்பில் குழாய் உடைந்து அடிக்கடி தண்ணீர் வீணாகிறது. பாதசாரிகள் நிற்க இடமில்லை.

- செல்வராஜ், புஷ்பாதியேட்டர் ஸ்டாப். (படம் உண்டு)

திருப்பூர், அங்கேரிபாளையம், மாதேஸ்வரன் கோவில் அருகே குழாய் உடைந்து தண்ணீர் வீணாகி, சாலை சேதமாகி வருகிறது. குழாய் உடைப்பை சரிசெய்ய வேண்டும்.

- விஜி, கூட்டுறவு நகர். (படம் உண்டு)

திருப்பூர், பி.கே.ஆர்., லே-அவுட் மேல்நிலை நீர்தேக்க தொட்டி, பைப் உடைந்துள்ளது. 24 மணி நேரமும் தண்ணீர் வீணாகி, சாக்கடை கால்வாயில் கலக்கிறது. கேட்வால்வு சரி செய்ய வேண்டும்.

- செந்தில், பி.கே.ஆர்., லே-அவுட். (படம் உண்டு)

எப்படி செல்வது?

பெருமாநல்லுார், ஈட்டிவீரம்பாளையம் ஊராட்சி, முட்டியங்கிணறு ஏ.டி., காலனி, மயானம் செல்லும் வழியில் கழிவுநீர் தேங்கி நிற்கிறது. கழிவுநீரை வெளியேற்ற வழி ஏற்படுத்த வேண்டும்.

- குமார், அப்பியாபாளையம். (படம் உண்டு)

தேங்கும் கழிவுநீரால் அவதி

திருப்பூர், அரசு மருத்துவக் கல்லுாரி மருத்துவமனை முன் கழிவுநீர் தேங்கி, சுகாதாரக்கேடு ஏற்படுகிறது. கழிவுநீர் வெளியேறிச் செல்ல நிரந்த தீர்வு காண வேண்டும்.

- கார்த்திகேயன், தாராபுரம் ரோடு. (படம் உண்டு)

நாய்த்தொல்லை

திருப்பூர், ஏ.வி.பி., ஜே.எஸ்., கார்டனில் தெருநாய்த்தொல்லை அதிகமாக உள்ளது. சாலையில் சுற்றித்திரியும் நாய்களை பிடித்துச் செல்ல வேண்டும்.

- நவீன், ஏ.வி.பி.,ஜே.எஸ்., கார்டன். (படம் உண்டு)

போக்குவரத்து போலீசார் கவனத்துக்கு

திருப்பூர், சாமுண்டிபுரம் - சிறுபூலுவப்பட்டி ரிங் ரோட்டில் ஆபத்தான முறையில் பொருட்களை ஏற்றியபடி வாகனங்கள் செல்கின்றன. போக்குவரத்து போலீசார் கண்காணிப்பதில்லை.

- கவுரிசங்கர், சாமுண்டிபுரம். (படம் உண்டு)

மாநகராட்சி கவனத்துக்கு

திருப்பூர், 15 வேலம்பாளையம் ரிங்ரோட்டில் மழைநீர் வழிந்தோட விரிவான வசதியில்லை. மழை பெய்யும் போதெல்லாம் வாகனங்கள் செல்ல வழியின்றி மழைநீர் தேங்கி விடுகிறது.

- தியாகராஜன், வேலம்பாளையம். (படம் உண்டு)

தெருவிளக்கு எரிவதில்லை

திருப்பூர், அவிநாசி ரோடு, சி.எஸ்.ஐ., சர்ச் பின்புறம், இந்திராநகர் இரண்டாவது வீதியில் தெருவிளக்கு எரிவதில்லை. இருள்சூழ்ந்து காணப்படுகிறது.

- சுப்பு, கே.பி.என்., காலனி. (படம் உண்டு)

குப்பை அள்ளுங்க

திருப்பூர் புதிய பஸ் ஸ்டாண்ப் பின்புறம், உழவர் சந்தை எதிர்புற டாஸ்மாக் கடை சந்தில் தேங்கியுள்ள குப்பையை அள்ள வேண்டும். அள்ளாத குப்பையால் சுகாதாரக்கேடு ஏற்படுகிறது.

- முருகேசன், புதிய பஸ் ஸ்டாண்ட். (படம் உண்டு)

கழிவுநீரால் துர்நாற்றம்

திருப்பூர், அங்கேரிபாளையம், நீதியம்மாள்நகர், 2வது வீதியில் பாதாள சாக்கடை அடைப்பு ஏற்பட்டு கழிவுநீர் வெளியேறி துர்நாற்றம் வீசுகிறது. சுத்தம் செய்ய வேண்டும்.

- சிவராஜ், நீதிஅம்மாள்நகர். (படம் உண்டு)

குப்பை அள்ளுங்க...

திருப்பூர், எஸ்.பெரியபாளையம் ஊராட்சி, ஏ.சி.எஸ்., மாடர்ன்சிட்டி ஸ்டாப் அருகே குப்பை கொட்டப்படுகிறது. தேங்கும் குப்பையால், சுகாதாரக்கேடு ஏற்படுகிறது.

- ரங்கசாமி, எஸ்.பெரியபாளையம். (படம் உண்டு)