தாராபுரம் ரோடு, கரட்டாங்காடு, பெரிச்சிபாளையம் சந்திப்பில் தெருவிளக்கு எரிவதில்லை. இருள்சூழ்ந்து காணப்படுகிறது.

- மணிகண்டன், கரட்டாங்காடு. (படம் உண்டு)

செங்குந்தபுரத்தில் தெருவிளக்கு எரிவதில்லை. வீதி முழுதும் இருள்சூழ்ந்து காணப்படுகிறது. எரியாத விளக்குகளை மாற்ற வேண்டும்.

- அருண், செங்குந்தபுரம். (படம் உண்டு)

சுகாதாரக்கேடு

கே.வி.ஆர்., நகர் சந்திப்பு பகுதியில் தேங்கியுள்ள குப்பையை அள்ள வேண்டும். தொட்டி அருகே தேங்கியிருக்கும் குப்பையால், சுகாதாரக்கேடு ஏற்படுகிறது.

- ஜெயபிரகாஷ், கே.வி.ஆர்., நகர். (படம் உண்டு)

தண்ணீர் வீண்

பெரிய கடை வீதியில் குழாய் உடைந்து தண்ணீர் வீணாகிறது. சாலை சேதமாகும் முன் குழாய் சரிசெய்ய வேண்டும்.

- விக்னேஷ், காங்கயம் ரோடு. (படம் உண்டு)

கழிவுநீர் தேக்கம்

போயம்பாளையம், பழனிசாமி நகரில் கால்வாயில் முட்புதர் வளர்ந்துள்ளது. கழிவுநீர் வெளியேற வசதியில்லை. சுத்தம் செய்ய வேண்டும்.

- கோகுல்ராஜ், பழனிசாமி நகர். (படம் உண்டு)

முட்புதர் அகலுமா?

ராயபுரம், விநாயகபுரம் சந்திப்பு சாலையில் வைக்கப்பட்டுள்ள அறிவிப்பு பலகையை சுற்றி முட்புதர் வளர்ந்துள்ளது. மாநகராட்சி சுத்தம் செய்ய வேண்டும்.

- சங்கர்சதீஷ், ராயபுரம். (படம் உண்டு)

சாலை சேதம்

யூனியன் மில் ரோடு - கே.பி.என்., காலனி இரண்டாவது வீதி சந்திப்பில், புதிதாக போடப்பட்ட கான்கிரீட் சாலையில் மழைநீர் தேங்கி நிற்கிறது. சாலை குழியாகும் முன் சீரமைக்க வேண்டும்.

- அருள்பிரகாசம், கே.பி.என்., காலனி. (படம் உண்டு)

ரியாக் ஷன்

குழி மூடல்

குமரன் ரோட்டில் சாலை குழியாக இருப்பதாக 'தினமலர்' நாளிதழில் செய்தி வெளியானது. நெடுஞ்சாலைத்த்துறை மூலம் சாலை சரிசெய்யப்பட்டது.

- சிவசண்முகம், நல்லுார். (படம் உண்டு)