போதை தடுப்பு மற்றும் அமலாக்கப்பிரிவு இன்ஸ்பெக்டர் ரவி சிறப்பு விருந்தினராக பங்கேற்று பேசியதாவது:போதை பழக்கம், இளைஞர்களின் எதிர்காலத்தை சீரழிக்கும் கொடிய அரக்கன். போதைப் பொருட்கள், நாம் விலை கொடுத்து வாங்கும் விஷம் என்ற உணர்வு வர வேண்டும்.

கஞ்சா, குட்கா, அபின், கூலிப் மற்றும் கொகைன் என பல்வேறு வடிவங்களில் கிடைக்கும் போதை பொருட்கள், உடல் மற்றும் மனநலத்தை பாதிக்கச் செய்து, வாழ்க்கையை சீரழிக்கும். போதை பழக்கத்துக்கு அடிமையானவர்களை மீட்டெடுத்து, அவர்களுக்கு மறுவாழ்வு வழங்க வேண்டும்.

இவ்வாறு, அவர் பேசினார்.

பின், போதை பொருள் பயன்படுத்துவதால் ஏற்படும் தீமை குறித்தும், அதனை தடுக்க வேண்டியதன் அவசியம் குறித்து, மாணவ, மாணவியர் நாடகம் மற்றும் கலை நிகழ்ச்சி வாயிலாக விளக்கினர். கட்டுரைப் போட்டி நடத்தப்பட்டது.

நிகழ்ச்சி ஏற்பாடுகளை, கல்லுாரி முதல்வர் கிருஷ்ணன் செய்திருந்தார்.