திருப்பூரில் உள்ள வங்கிகளில் பாதுகாப்பு பணியில் ஈடுபடும் சில வடமாநிலத்தை சேர்ந்த செக்யூரிட்டிகள், போலி உரிமம் மூலம் துப்பாக்கியை பயன்படுத்துவது மாநகர போலீசாருக்கு தெரிந்தது. இதுதொடர்பாக, கண்காணித்து தற்போது வரை, ஐந்து பேரை போலீசார் கைது செய்தனர்.

அதன் ஒரு பகுதியாக, போலி உரிமம் மூலம் துப்பாக்கியை வைத்திருந்த, போயம்பாளையத்தில் டீ கடை வைத்து நடத்தி வரும் பீஹாரை சேர்ந்த கிருஷ்ணகுமார் சிங், 50 என்பவரை தேடி வந்தனர். பீஹாரில் இருந்து திரும்பிய அவரை நேற்று, திருப்பூர் தெற்கு போலீசார் கைது செய்தனர்.

போலி உரிமம் மூலம் துப்பாக்கி வைத்து, திருப்பூர் குமரன் ரோடு, பி.என்., ரோடு உள்ளிட்ட பல இடங்களில் வங்கியில் செக்யூரிட்டியாக வேலை செய்து வந்தார். தற்போது டீ கடை நடத்தி வருகிறார்.

ஏற்னவே, ஐந்து பேர் கைது செய்யப்பட்ட போது, கிருஷ்ணகுமார் சிங் குறித்து தெரிந்தது. அவரை கைது செய்ய முயன்ற போது, பீஹார் தேர்தலுக்கு ஓட்டளிக்க சென்றவர், தற்போது திருப்பூர் திரும்பிய போது போலீசில் சிக்கியது தெரிந்தது.