திருப்பூர், நடராஜா தியேட்டர் ரோடு, தெற்கு ரோட்டரி மண்டபத்தில் நடந்த, ரத்ததான முகாமை, அரசு மருத்துவக் கல்லுாரி மருத்துவமனை டாக்டர் திவ்யா, தாராபுரம், பெருந்துறை அரசு மருத்துவமனை டாக்டர்கள் சத்தியராஜ், சரண்யா தலைமையிலான குழுவினர் ஒருங்கிணைத்தனர்; மொத்தம், 201 யூனிட் ரத்தம் தானமாக பெறப்பட்டது. ரத்ததானம் வழங்கியவருக்கு முன்னாள் எம்.எல்.ஏ., குணசேகரன் காப்பீடு திட்ட அட்டைகளை வழங்கினார். இலவச மருத்துவ முகாமில், 160 பேர் பங்கேற்றனர்; மருத்துவ ஆலோசனைகள் வழங்கப்பட்டது. கண் சிகிச்சை முகாமில், 182 பேர் பரிசோதிக்கப்பட்டு, 19 பேர் அறுவை சிகிச்சைக்கு பரிந்துரைக்கப்பட்டனர்.

'நிட்மா' தலைவர் அகில் ரத்தினசாமி, தெற்கு ரோட்டரி தலைவர் மோகனசுந்தரம், பொருளாளர் அருள்செல்வம், சென்ட்ரல் லயன்ஸ் கிளப் தலைவர் சண்முகம், முயற்சி அமைப்பு தலைவர் சிதம்பரம், எம்.எஸ்., எலும்பு முறிவு அறுவை சிகிச்சை டாக்டர் சஞ்சீவ் பிரணவ், செந்துார் மெடிக்கல் சென்டர் டாக்டர் துஷ்யந்த் மற்றும் பலர் பங்கேற்றனர்.