அவிநாசி அரசு கலை மற்றும் அறிவியல் கல்லுாரியில் டி.என்.பி.எஸ்.சி., தேர்வுக்கான இலவச பயிற்சி வகுப்புகளுக்கான துவக்க விழா, கல்லுாரி முதல்வர் ஹேமலதா தலைமையில் நடைபெற்றது. கல்லுாரி வேலைவாய்ப்பு முகாம் அலுவலர் அருண் ஒருங்கிணைத்தார். கோவை மாவட்ட வேலை வாய்ப்பு மற்றும் வழிகாட்டும் மைய துணை இயக்குனர் கருணாகரன் சிறப்பு விருந்தினராக கலந்து கொண்டார். இளநிலை வேலை வாய்ப்பு அலுவலர் விஜயலட்சுமி வாழ்த்துரை வழங்கினார். வணிக நிர்வாகவியல் துறை மாணவர் தமிழரசன் நன்றி கூறினார். ஏற்பாடுகளை சுகுணாதேவி, நித்யா, தியாகராஜன் உள்ளிட்டோர் செய்திருந்தனர்.