சிறப்பு பிரிவு, மாற்றுத்திறனாளிகள் கவுன்சிலிங் கடந்த, 2ம் தேதி துவங்கிய நிலையில், நேற்று, பொதுப்பிரிவு (அறிவியல் பாடங்கள்) கவுன்சிலிங் அரசு கல்லுாரிகளில் துவங்கியது.

திருப்பூர் சிக்கண்ணா அரசு கலைக்கல்லுாரியில், 1,800 க்கு மேற்பட்டோர் கவுன்சிலிங் அழைக்கப்பட்டிருந்தனர்; 250 பேர் பங்கேற்றதில், 194 பேர் நேற்று பட்டப்படிப்பை தேர்வு செய்து, கல்லுாரியில் இணைந்தனர்.

பல்லடம் ரோடு, எல்.ஆர்.ஜி., அரசு மகளிர் கல்லுாரியில், பொதுப்பிரிவு கவுன்சிலிங்க்கு, 1,500 மாணவியர் அழைக்கப்பட்டிருந்தனர்; 280 பேர் பங்கேற்றதில், 200 பேர் பாடப்பிரிவு தேர்வு செய்து, கல்லுாரியில் இணைந்தனர். தாராபுரம், பல்லடம், அவிநாசி அரசு கலைக்கல்லுாரிகளிலும் நேற்று பொதுப்பிரிவு கவுன்சிலிங் நடந்தது. பல்வேறு பாடங்களுக்கு பொது கவுன்சிலிங், வரும், 10ம் தேதி வரை நடக்கவுள்ளது.