ஜே.கே., ஆட்ஸ் அண்ட் ஈவென்ட்ஸ் ஒருங்கிணைப்பாளர்கள் நாகராஜன், சுமித்ரா ரமேஷ் ஆகியோர் கூறுகையில், ''மக்களுக்கு விழிப்புணர்வு ஏற்படுத்தும் விதமாக திருப்பூரில் முதல் முறையாக ஹெல்த் அண்ட் பிட்னெஸ் கண்காட்சி நடத்தப்பட்டுள்ளது. இதில், மருத்துவத் துறை சார்ந்த நிறுவனங்கள், மருத்துவமனைகள், ரத்தப் பரிசோதனை நிலையம், மருந்தகங்கள், சித்த மருத்துவம், ஹோமியோ மருத்துவம், அக்குபஞ்சர் உட்பட 50க்கும் மேற்பட்ட நிறுவனங்கள் அரங்குகள் அமைத்திருந்தன. கண்காட்சிக்கு வருவோருக்கு இலவசமாக மருத்துவ பரிசோதனை செய்யப்பட்டது'' என்றனர். கண்காட்சி நேற்றுடன் நிறைவடைந்தது.