இதில் பங்கேற்ற மனிதநேய இலவச ஐ.ஏ.எஸ்., பயிற்சி மைய தலைவர் சைதை துரைசாமி, பேசியதாவது:

சமுதாயத்தை உயர்த்த வேண்டும் என்று எம்.ஜி.ஆர். விரும்பினார். ஏழை, எளிய மக்கள் வாழ்க்கை மேம்பட வேண்டுமென, பல்வேறு திட்டங்களை செயல்படுத்தினார். எம்.ஜி.ஆரின் பக்தர்களாக வாழும் நண்பர்கள், ஒவ்வொருவரும் 6வது முதல் பிளஸ் 2 வரை பயிலும் மாணவரின் கல்விக்கு உதவி செய்ய முன்வர வேண்டும். மேல்படிப்பை தொடர என்னால் முடிந்ததை செய்கிறேன். கல்வியால் மட்டுமே, சமுதாயத்தை உயர்த்த முடியும்; கல்வி அனைவருக்கும் கிடைக்க உதவ வேண்டும்.