வானிலை ஆய்வு மையம் மற்றும் கோவை, தமிழ்நாடு வேளாண்மை பல்கலை கழக வேளாண் காலநிலை ஆராய்ச்சி மையம் இணைந்து, திருப்பூர் மாவட்டத்துக்கான வாராந்திர வானிலை அறிக்கையை வெளியிட்டு வருகின்றன.

இது, செய்தி ஊடகங்கள் மற்றும் விவசாயிகளை உள்ளடக்கிய 'வாட்ஸ் ஆப்', டெலிகிராம் உள்ளிட்ட சமூக ஊடகங்கள் வாயிலாக பரப்பப்பட்டு வருகிறது.

இந்நிலையில் சென்னை, துாத்துக்குடியில் மழை வெள்ள பாதிப்பால் மக்களுக்கு ஏற்பட்ட பாதிப்பு, மாநிலம் முழுக்க உள்ள மக்கள் மத்தியில் அச்சத்தையும், ஒரு வித அசாதாரண சூழலையும் ஏற்படுத்தியது. 'பெருமழை தொடர்பாக, வானிலை மையம் சரியான தகவலை முன்கூட்டியே தெரிவிக்கவில்லை' என, முதல்வரும் குற்றச்சாட்டியிருந்தார்.

ஆனால், 'வானிலை நிலவரம் முன்கூட்டியே சரியாக தெரிவிக்கப்பட்டிருந்தது' என, வானிலை மையம் தெரிவித்திருந்தது.

இதற்கிடையில், இதுநாள் அறிக்கை வாயிலாக, வாராந்திர வானிலை அறிக்கை வழங்கி வந்த, வேளாண் பல்கலை கழக, வேளாண் ஆராய்ச்சி மையம், தற்போது குரல் பதிவு 9 (வாய்ஸ் மெசேஜ்) வாயிலாகவும், வாராந்திர வானிலை அறிக்கையை வழங்கி வருகிறது.