அவிநாசியின், முதல் தேசிய தரச்சான்று பெற்ற, அதிநவீன மருத்துவ சிகிச்சை முறைகளை கொண்டு செயல்படும், மாதேஸ்வரி மல்டி ஸ்பெஷாலிட்டி மருத்துவமனை, வீடு தேடி சிகிச்சை வழங்கும் மருத்துவ சேவையையும் துவக்கியுள்ளது.இதுகுறித்து, மருத்துவமனை நிர்வாக இயக்குனர் டாக்டர் பிரகாஷ் கூறியதாவது;நுரையீரல் மற்றும் எலும்பு மூட்டு சிகிச்சை பிரதானமாக மேற்கொள்ளப்படுகிறது. விபத்து மற்றும் தீவிர சிகிச்சை பிரிவு, 24 மணி நேரமும் செயல்படுகிறது. பிளாஸ்டிக் அறுவை சிகிச்சைகள், பச்சிளம் குழந்தைகளுக்கான தீவிர சிகிச்சை, மகப்பேறு வார்டு, பிசியோதெரபி சிகிச்சை, முழு உடல் பரிசோதனை என, அனைத்து சிகிச்சைகளும் மேற்கொள்ளப்படுகிறது. மருத்துவமனையில் மகப்பேறு, இதய சிகிச்சை உள்ளிட்ட அனைத்து நோய்கள் சார்ந்தும் மருத்துவர்கள் உள்ளனர்.கடந்த, 15 ஆண்டாக உலகத்தரம் வாய்ந்த மருத்துவ சேவை வழங்கி வருகிறோம். அவிநாசியின் முதல் தேசிய தரச்சான்று (என்.ஏ.பி.எச்.,) பெற்ற, 50 படுக்கை வசதி கொண்ட மருத்துவமனையாக செயல்படுகிறது. அதி நவீன சி.டி., ஸ்கேன், 3டி 4டி, அல்ட்ரா சவுண்ட் மற்றும் டிஜிட்டல் எக்ஸ்ரே, கம்ப்யூட்டர் மயமாக்கப்பட்ட ஆய்வகங்கள் என, துல்லியமான முடிவுகளை காண்பிக்கும் மருத்துவ உபகரண கட்டமைப்பு உள்ளது. மிகக் குறைந்த சேவை கட்டணமே வசூலிக்கப்படுகிறது. தனியார் மருத்துவ காப்பீடு திட்டங்கள் ஏற்கப்படுகின்றன.