இச்சூழலில், அடகு வைத்திருந்த வீட்டை வேறு ஒருவருக்கு விற்றது குறித்து சாந்தி, பழனிசாமியிடம் கேட்டார். முறையாக பதில் அளிக்கவில்லை.

தொடர்ந்து, முறைகேடாக வீட்டை வாங்கிய மணிகண்டனிடம் இதுகுறித்து கேட்டார். உடனே வீட்டை காலி செய்ய கூறினார். பின், சிலருடன் வீட்டுக்கு சென்று உள்ளே இருந்த பொருட்களை சேதப்படுத்திய மணிகண்டன், பொக்லைன் மூலம் வீட்டின் முன்பகுதியை இடித்து சேதப்படுத்தினார்.

இதுதொடர்பாக, சாந்தி அளித்த புகாரின் பேரில், திருப்பூர் தெற்கு போலீசார் பழனிசாமி, அவரது நண்பர் ராமலிங்கம் மற்றும் வீட்டை இடித்த மணிகண்டன், பொக்லைன் டிரைவர் பாண்டி உள்ளிட்டோர் மீது வழக்குபதிவு செய்தனர்.

தொடர்ந்து, மணிகண்டன், பாண்டி ஆகியோரை கைது செய்தனர்.