அந்த வீடுகள் கட்டப்பட்டு, 50 ஆண்டுகளை நெருங்குகிறது. ஓட்டு வீடுகளில் உள்ள மரங்கள் உளுத்து கீழே விழும் நிலையில் உள்ளது. கான்கிரீட் வீடுகள் நாளடைவில் காரை பெயர்ந்து கம்பிகள் துருப்பிடித்து காணப்படுகின்றன. வீடுகளில் மேற்கூரை அவ்வப்போது இடிந்து விழுந்து வருகிறது. பெருமழை பெய்யும் காலங்களில் வீடுகள் அடியோடு இடிந்து விழும் வாய்ப்பு உள்ளது. பலர் அந்த வீடுகளை கூட பராமரிக்க முடியாத நிலையில் உள்ளனர். வறுமை காரணமாக புதிதாக வீடு கட்ட முடியாததால் பழுதடைந்த வீட்டிலேயே குடியிருந்து வருகின்றனர்.

எம்.ஜி.ஆர்., ஆட்சிக்குப்பின் பல அரசுகள் மாறிய நிலையிலும், பழுதடைந்த வீடுகளுக்கு பதிலாக புதிய வீடுகளை கட்டி தர யாரும் முன் வரவில்லை. பழுதடைந்த வீடுகளுக்கு பதிலாக தங்களுக்கு புதிதாக வீடு கட்டித் தர அரசு முன்வருமா என்ற ஏக்கத்துடன் பலர் காத்திருக்கின்றனர்.