நேற்று காலை நடந்த போட்டியில், ஐதராபாத் கோச்சிங் பியாண்ட் அணியும், கர்நாடகா கே.பி.என்.சி.ஏ., அணியும் மோதின. முதலில் 'பேட்' செய்த, கோச்சிங் பியாண்ட் அணி, 30 ஓவரில், 10 விக்கெட் இழந்து, 165 ரன் எடுத்தது. நாமன் சவுத்ரி, 56 பந்தில், 6 பவுண்டரி, ஒரு சிக்ஸர் உட்பட, 56 ரன்; அபைநாயர், 57 பந்தில், 5 பவுண்டரி உட்பட, 44 ரன் எடுத்தனர். பந்து வீசிய கே.பி.என்.சி.ஏ., அணியின் சையது ஜாவத், 3 விக்கெட் வீழ்த்தினார்.

அடுத்து 'பேட்' செய்த கே.பி.என்.சி.ஏ., அணி, 15.5 ஓவரில், 9 விக்கெட் இழப்புக்கு, 51 ரன்களை மட்டுமே எடுத்தது. பந்து வீசிய கோச்சிங் பியாண்ட் அணியின், பரத் ஷர்மா, அபிவந்த் சத்யன் ஆகியோர், தலா, 3 விக்கெட் வீழ்த்தினர். 114 ரன் வித்தியாசத்தில் கோச்சிங் பியாண்டட் அணி வெற்றி பெற்றது. ஆட்ட நாயகன் விருதை, அணியின் நாமன் சவுத்ரி பெற்றார்.

n மாலை நடந்த போட்டியில், கோவா ஸ்பார்க்ளிங் ஸ்டார்ஸ் அணியும், ஆந்திரா அனந்தபூர் அணியும் மோதின. டாஸ் வென்ற ஸ்பார்க்ளிங் ஸ்டார்ஸ் அணியினர், 30 ஓவரில், 8 விக்கெட் இழப்புக்கு, 140 ரன் எடுத்தனர். அதிகபட்சம் அணியின் பர்ஹான் தாஷ், 53 பந்தில், 7 பவுண்டரி உட்பட 49 ரன்; ஆதர்வ் சங்கர் நாயக், 43 பந்தில், 4 பவுண்டரி உட்பட, 32 ரன் எடுத்தனர். பந்து வீசிய ஆந்திரா அனந்தபூர் அணியின் மகேந்திரா சாய் ராயல், 3 விக்கெட்; லோக்நாத் மற்றும் தன்மய் கார்த்தி ரெட்டி ஆகியோர் தலா, 2 விக்கெட் வீழ்த்தினர். அடுத்து 'பேட்' செய்த, அனந்தபூர் அணி 20.2 ஓவரில், 10 விக்கெட் இழப்புக்கு, 66 ரன்னில் சுருண்டது.

பந்து வீசிய கோவா அணியின் ஜெய் கங்குரி, 3 விக்கெட் வீழ்த்தினார். 74 ரன் வித்தியாசத்தில் கோவா அணி வெற்றி பெற்றது. ஆட்டநாயகன் விருதை, அணியின் ஜெய் கங்குரி பெற்றார்.