வீடு கேட்டு தொடர்ந்து போராடிய இவருக்கு, கடந்த 2022ல், பெதப்பம்பட்டி - உடுமலை ரோடு புக்குளம் ஜெ.ஜெ., நகர் பகுதி அடுக்குமாடி குடியிருப்பில் வீடு ஒதுக்கீடு செய்யப்பட்டது.

பங்களிப்பு தொகை, 1.70 லட்சம் ரூபாய் செலுத்தவேண்டிய நிலையில், முகமது யூசுப், மீதம் ஒரு லட்சம் ரூபாயை தன்னால் செலுத்த முடியாததால், வீட்டை பெற முடியாமல் தவிக்கிறார்.

திருப்பூர் கலெக்டர் அலுவலகத்தில் நேற்று நடந்த பொதுமக்கள் குறைகேட்பு கூட்டத்தில், முகமது யூசுப், வீடு வழங்க கோரி தரையில் அமர்ந்து பிச்சை எடுக்கும் போராட்டத்தில் ஈடுபட்டதோடு கலெக்டரிடம் சென்று, கண்ணீர் மல்க மனு அளித்தார்.

அவர் கூறியதாவது:

என்னால், வேலைக்கு செல்லமுடியவில்லை. மனைவியின் சிறிய வருமானம் மற்றும் எனக்கு கிடைக்கும் மாற்றுத்திறனா ளிகள் உதவித்தொகையை நம்பியே வாழ்க்கை நடத்திக் கொண்டிருக்கிறோம்.

புக்குளத்தில் அடுக்குமாடி குடியிருப்பில் வீடு ஒதுக்கீடு செய்தனர். பலரிடம் கடன் வாங்கித்தான், தவணை தொகை, 70 ஆயிரம் ரூபாய் செலுத்தினேன். மீதம் ஒரு லட்சம் ரூபாய் என்னால் செலுத்த இயலாத நிலையில் உள்ளேன்.

ஒரு லட்சம் ரூபாயை தள்ளுபடி செய்து, ஒதுக்கீடு செய்த வீட்டை வழங்க கோரி, பிச்சையெடுக்கும் போராட்டத்தில் ஈடுபட்டேன். குறைகேட்பு கூட்டத்தில், கலெக்டரிடம் நேரடி யாக மனு அளித்தேன். வங்கி கடன் செலுத்த இயலாது என்பதால், மாற்று ஏற்பாடுகள் மூலம், ஒதுக்கீடு செய்த வீட்டை வழங்க நடவடிக்கை எடுப்பதாக உறுதி அளித்துள்ளார்.