தாராபுரம் தாலுகாவில், தாராபுரம் பிர்காவுக்கு உட்பட்ட ஒன்பது கிராமங்களுக்கு நாளையும்; அலங்கியம் பிர்காவுக்கு உட்பட்ட ஒன்பது கிராமங்களுக்கு 22 ம் தேதி; மூலனுார் பிர்காவிலுள்ள ஒன்பது கிராமங்களுக்கு 23ம் தேதி; கன்னிவாடி பிர்காவிலுள்ள 12 கிராமங்களுக்கு 27ம் தேதி; குண்டடம் பிர்காவுக்கு உட்பட்ட 15 கிராமங்களுக்கு 28ம் தேதி; பொன்னாபுரம் பிர்காவுக்கு உட்பட்ட 8 கிராமங்களுக்கு 29 ம் தேதி; சங்கராண்டாம்பாளையம் பிர்காவில் ஒன்பது கிராமங்களுக்கு 30ம் தேதியும் ஜமாபந்தி நடைபெறுகிறது.

திருப்பூர் தெற்கு தாலுகாவில், நாளை, திருப்பூர் தெற்கு பிர்காவுக்கு உட்பட்ட மங்கலம், ஆண்டி பாளையம், திருப்பூர், வீரபாண்டி, இடுவாய் கிராமங்களுக்கும்; 22ம் தேதி, நல்லுார் பிர்காவுக்கு உட்பட்ட நல்லுார், முதலி பாளையம், முத்தணம்பாளையம் கிராமங்கள்; 23ம் தேதி, தெற்கு அவிநாசிபாளையம் பிர்கா, நாச்சிபாளையம், பெருந்தொழுவு, உகா யனுார், வடக்கு அவிநாசிபாளையம், தொங்குட்டிபாளையம், கண்டியன் கோவில், அலகுமலை, தெற்கு அவிநாசி பாளையம் கிராமங்களுக்கு ஜமாபந்தி நடைபெறும்.

அவிநாசியில், நாளை, சேவூர் பிர்காவுக்கு உட்பட்ட 14 கிராமங்கள்; 22ம் தேதி, அவிநாசி மேற்கு பிர்காவிலுள்ள ஒன்பது கிராமங்கள்; 23ம் தேதி, அவிநாசி கிழக்கு பிர்காவில் 10 கிராமங்கள்; 27ம் தேதி, பெருமாநல்லுார் பிர்காவில் 8 கிராமங்களுக்கு ஜமாபந்தி நடைபெறும்.

திருப்பூர் வடக்கு தாலுகாவில், நாளை, திருப்பூர் வடக்கு பிர்காவுக்கு உட்பட்ட நெருப்பெரிச்சல், மண்ணரை, தொட்டிபாளையம் கிராமங்களுக்கும், வரும் 22ம் தேதி வேலம் பாளையம், கணக்கம்பாளையம், பொங்குபாளையம், செட்டிபாளையம் கிராமங்களுக்கு நடத்தப்படும்.

ஊத்துக்குளி தாலுகாவில், குன்னத்துார் பிர்காவுக்கு நாளையும்; ஊத்துக்குளி பிர்காவுக்கு 22ம் தேதியும் ஜமாபந்தி நடத்தப்படும். பல்லடம் தாலுகாவில், பல்லடம் பிர்காவுக்கு நாளை; கரடிவாவி பிர்காவுக்கு 22ம் தேதி; சாமளாபுரம் பிர்காவுக்கு 23ம் தேதி; பொங்கலுாருக்கு 27ம் தேதி ஜமாபந்தி நடத்தப்படும்.

காங்கயம் தாலுகாவில், 20, 22, 23, 27; மடத்துக்குளத்தில், 20, 22; உடுமலையில், 20, 22, 23, 27, 28 தேதிகளில் ஜமாபந்தி நடைபெறும்.

மக்களே தயாரா?

பொதுமக்கள் தங்கள் கிராமத்துக்கான நாளில் ஜமாபந்தியில் பங்கேற்று, நில வகை மாற்றம், நில ஆவணங்களில் திருத்தம், பட்டா மாறுதல் உள்பட பல்வேறு கோரிக்கைகளுக்காக மனுக்கள் அளித்து, தீர்வு பெறலாம்.

இ-சேவை மையம் மூலமாகவோ அல்லது Citizen portal வாயிலாகவோ விண்ணப்பிக்கலாம். அவ்விண்ணப்பங்கள் ஜமாபந்தியில் பரிசீலிக்கப்பட்டு, பட்டா பெயர் மாற்றம் செய்யப்படும்.