நிப்ட்-டீ கல்லுாரி, 'தினமலர்' நாளிதழ் மற்றும் டெக்னோ ஸ்போர்ட்ஸ் இணைந்து, இதை நடத்துகின்றன. 15 ஓவர் கொண்ட லீக் போட்டிகள் நடைபெற்று வருகின்றன. ஞாயிறுதோறும் போட்டிகள் நடக்கின்றன. ஐந்தாவது நாள் லீக் போட்டிகள் நேற்று நடந்தன.

முதல்போட்டியில், பிராச்சி எக்ஸ்போர்ட்ஸ் - சி.ஆர்., கார்மென்ட்ஸ் (டைகர்) அணிகள் மோதின. 'டாஸ்' வென்ற பிராச்சி, பீல்டிங் தேர்வு செய்தது. முதலில் களமிறங்கிய சி.ஆர்., கார்மென்ட்ஸ், 8 விக்கெட் இழந்து 126 ரன் எடுத்தது. கோபி, 28 பந்துக்கு 42 ரன் எடுத்தார். அடுத்ததாக பேட்டிங் செய்த பிராச்சி அணி, 7 விக்கெட் இழப்புக்கு, 60 ரன் எடுத்து ஆட்டமிழந்தது.

இரண்டாவது போட்டியில், ஸ்ரீ சிவ ஜோதி ஸ்பின்னிங் மில்ஸ் - விக்டஸ் டையிங் அணிகள் மோதின. முதலில் பேட்டிங் செய்த விக்டஸ், 1 விக்கெட் இழப்புக்கு 180 ரன் குவித்தது. வீரர் சசி, 51 பந்துக்கு 84 ரன் எடுத்து ஆட்டமிழக்காமல் அதிரடி காட்டினார். இவர், 8 பவுண்டரியும், 2 சிக்ஸரும் விளாசினார். அடுத்ததாக பேட்டிங் செய்த ஸ்ரீ சிவ ஜோதி அணி, 8 விக்கெட் இழப்புக்கு 50 ரன் மட்டுமே எடுத்தது.

மூன்றாவது போட்டியில், அமேஸிங் எக்ஸ்போர்ட்ஸ், சி.ஆர்., கார்மென்ட்ஸ் (ஈகிள்) அணியை எதிர்கொண்டது. முதலில் பேட்டிங் செய்த சி.ஆர்., ஈகிள்ஸ், 6 விக்கெட் இழப்புக்கு 137 ரன் எடுத்தது. வினீத், 41 பந்துக்கு, 60 ரன் எடுத்து, அணிக்கு பலம் சேர்த்தார். அடுத்து பேட்டிங் செய்த அமேஸிங், 78 ரன் மட்டுமே எடுத்து அனைத்து விக்கெட்களையும் பறிகொடுத்தது.

நான்காவது போட்டியில், ஈஸ்ட்மேன் எக்ஸ்போர்ட்ஸ் - குவாலியன்ஸ் இன்டர்நேஷனல் அணிகள் மோதின. 'டாஸ்' வென்று, முதலில் பேட்டிங் செய்த ஈஸ்ட்மேன், 7 விக்கெட் இழப்புக்கு 120 ரன் எடுத்தது. அடுத்ததாக களமிறங்கிய குவாலியன்ஸ் அணி, 9 விக்கெட்களை பறிகொடுத்து 109 ரன் மட்டுமே எடுத்தது.