உடுமலையில், கடந்த 2019ல், மத்திய அரசின் கேந்திரிய வித்யாலயா பள்ளி துவக்கப்பட்டு, ராஜேந்திரா ரோட்டிலுள்ள அரசுப்பள்ளி கட்டடத்தில் வகுப்பறைகள் ஒதுக்கீடு செய்யப்பட்டது. தற்போது இப்பள்ளியில், 213 மாணவர்கள், 167 மாணவியர் படித்து வருகின்றனர்.

இப்பள்ளிக்கான நிரந்தர கட்டடம், பொள்ளாச்சி - திண்டுக்கல் நான்கு வழிச்சாலையில், முக்கோணம் அருகே கட்டப்பட்டு வந்தது. கட்டுமான பணிகள் நிறைவு பெற்று, நேற்று முன்தினம் முதல் பள்ளி நிரந்தர கட்டடத்துக்கு மாற்றப்பட்டுள்ளது.

வகுப்பறை கட்டுமான பணிகள் தாமதம் காரணமாக, இந்தாண்டு பிளஸ் 1 சேர்க்கை மேற்கொள்ளப்படவில்லை. புதிய கட்டடம் பயன்பாட்டுக்கு வந்துள்ளதால், வரும் கல்வியாண்டில், பிளஸ் 1 சேர்க்கை துவக்க வேண்டும் என பெற்றோர் வலியுறுத்தியுள்ளனர்.