இது தொடர்பாக போலீசார் வழக்கு பதிவு செய்து விசாரணை நடத்தினர். இதில் சிலர் கோர்ட்டில் சரணடைந்தனர். சிலரை போலீசார் தேடிப்பிடித்து கைது செய்தனர். அவ்வகையில், இக்கொலை வழக்கில் தொடர்புடைய, 17 பேர் கைது செய்யப்பட்டுள்ளனர்.

இதில் கைது செய்யப்பட்ட, சதீஸ்குமார், 44, பாலமுருகன், 44 மற்றும் அண்ணாதுரை, 35 ஆகியோர் கோவை மத்திய சிறையில் அடைக்கப்பட்டுள்ளனர். இந்த மூன்று பேர் மீது குண்டர் தடுப்பு சட்டத்தில் நடவடிக்கை எடுக்க திருப்பூர் எஸ்.பி. கிரிஷ் அசோக் யாதவ் பரிந்துரைத்தார்.

அதன்பேரில் கலெக்டர் மணிஷ் நாரணவரே இதற்கான உத்தரவை பிறப்பித்தார். இதன் நகல், கோவை மத்திய சிறையில் அடைக்கப்பட்டுள்ள மூன்று பேரிடமும் வழங்கப்பட்டது.

இவ்வழக்கில் கைது செய்யப்பட்ட தண்டபாணி, தட்சிணாமூர்த்தி மற்றும் நாட்டுத்துரை ஆகிய மூன்று பேர் மீது ஏற்கனவே குண்டர் தடுப்பு சட்டத்தில் நடவடிக்கை எடுக்கப்பட்டுள்ளது குறிப்பிடத்தக்கது.