கடந்த அரை நுாற்றாண்டில் உலகளவில் வனவிலங்குகளின் எண்ணிக்கை 73 சதவீதம் வரை குறைந்துவிட்டதாம். அரை நுாற்றாண்டு காலத்துக்கும் மேலாக 5 ஆயிரத்துக்கும் மேற்பட்ட உயிரினங்களை கண்காணித்து லண்டன் உயிரியல் சங்கம் இந்த முடிவுக்கு வந்துள்ளது. காடழிப்பு, எல்லை மீறிய சுரண்டல், காலநிலை மாற்றம், மாசுபாடு ஆகியவையே காரணம்.

இருளுக்கு நடுவே ஆறுதலும் உண்டு. இயற்கையின் பாடத்தை கற்றால் மீட்பு சாத்தியம். உலக அளவில் புலிகளின் எண்ணிக்கை 3,200ல் இருந்து 5,700 ஆக உயர்ந்துள்ளது. இந்தியாவில் புலி, காண்டாமிருகம், சிறுத்தை, சிங்கம் எண்ணிக்கை குறிப்பிடத்தக்க அளவில் உயர்ந்துள்ளது. துாய்மையான ஆற்றலை நோக்கி இந்தியா நகர்வதும், இயற்கை விவசாயம் பெருகுவதுமே இதற்கு காரணம்.