சிவன்மலை சுப்ரமணியசுவாமி கோவில் தேர்த் திருவிழாவை முன்னிட்டு மைசூர் பல்லக்கில் திருமலை வரும் நிகழ்ச்சியில், பல்லக்கில் சிவன்மலை முருகன் சிறப்பு அலங்காரத்தில் தனியாகவும், அவருக்கு எதிரே வள்ளியும், தெய்வானையும் அலங்கரிக்கப்பட்டு திருமலை வலம் வருதல் நிகழ்ச்சி இன்று காலை 10:00 மணிக்கு நடைபெற்றது. சிவன்மலை கிரிவலப் பாதையில் நடைபெற்ற இந்த திருவுலாக் காட்சியில் ஏராளமான பக்தர்கள் கலந்து கொண்டு, சுவாமி தரிசனம் செய்தனர்.

தேரோட்ட நிகழ்ச்சியில் நாளை காலை 6:00 மணிக்கு சுவாமி ரதத்திற்கு எழுந்தருளல் நடைபெறுகிறது. இதற்காக திருத்தேர் அலங்கரிக்கப்பட்டு தயார் நிலையில் உள்ளது. மாலை 4:00 மணிக்கு திருத்தேர் வடம் பிடித்தல் நிகழ்ச்சி துவங்குகிறது. இதில் அமைச்சர், இந்து சயம அறநிலைய துறையினர், பக்தர்கள், பொதுமக்கள் என கலந்து கொண்டு தேரை வடம் பிடித்து இழுக்கின்றனர்.