அப்பட்டமான விதிமீறல்கள்

வளர்ச்சி பணிகளை மேற்கொள்ளும் போது, அதற்கான சட்ட விதிகளை பின்பற்றி உரிய அனுமதி பெற்ற பின்னரே அகற்ற வேண்டும். ஆனால், இன்று பாரபட்சம் இல்லாமல், விதிமீறல்களில் கணக்கில் இல்லாத பழமையான மரங்கள் வெட்டப்பட்டு வருகிறது. மரங்களை வெட்டுவதற்கு முன், சில விதிமுறைகளை கடைபிடிக்க வேண்டும்.அவை, சாலை விரிவாக்கம், அரசு அலுவலகங்கள், பள்ளி கட்டடம், பொதுப்பணித்துறை வாய்க்கால், மாநகராட்சி வேலைகள், அரசு இடங்களில் உள்ள இடையூறு தரும் மரங்கள் என, சம்பந்தப்பட்ட துறைகளில் உள்ள எடுக்க வேண்டிய மரங்களை அந்த துறை அதிகாரிகள் மரங்களுடைய போட்டோ, சாலை விரிவாக்கத்தின் குறியீட்டுடன் அளவுடன், மரங்கள் போட்டோ எடுக்க வேண்டும்.பின், கலெக்டர் தலைமையில் அனைத்து துறை அதிகாரிகள் கூட்டத்துக்கு பின், இரண்டு தன்னார்வ அமைப்புகளும் ஒப்புதல் தர வேண்டும். வெட்டும் சூழல் ஏற்பட்டால், அதற்கு தகுந்த மரங்களை நடுவது உள்ளிட்ட பல விதிமுறைகள் உள்ளது.இதுதொடர்பான பசுமை கூட்டம், மாதந்தோறும் நடக்க வேண்டும். ஆனால், இதுபோன்ற கூட்டம் நடந்து மாவட்டத்தில் கடந்த, 18 மாதங்கள் ஆகியுள்ளது. மாவட்ட வனத்துறை அலுவலர் இடமும் பால மாதங்களாக காலியாக உள்ளது.25 ஆண்டு மரங்கள் காலி'வனத்துக்குள் திருப்பூர்' திட்ட ஒருங்கிணைப்பாளர் குமார் துரைசாமி கூறியதாவது:சாலை விரிவாக்கம் என்ற பெயரில், மங்கலம் ரோடு மட்டுமல்லாமல், மாநகரில் பல இடங்களில் மரங்களை வெட்டி சாய்த்து வருகின்றனர். இதுதொடர்கதையாக உள்ளது. இதுகுறித்து கேட்டால், வெட்டுவதற்கான ஆவணங்களை காட்ட மறுக்கின்றனர்.கலெக்டர் தலைமையிலான பசுமை குழுவில் முடிவு செய்த பின் தான், மரங்களை வெட்ட வேண்டும். ஆனால், எந்த விதியையும் பின்பற்றாமல், மரங்களை வெட்டி சாய்ப்பது வேதனையாக உள்ளது. இதனால், 25 ஆண்டுகள் பழமையான வேம்பு, அரசு, ஆல் என, பல வகை மரங்கள் வெட்டப்பட்டுள்ளது.மரம் மனிதர்களுக்கு நிழல் மட்டும் தருவதில்லை. பல வகையில் சுற்றுசூழலை பாதுகாக்கிறது. வெட்டப்படுவதால், அதில் வாழ்ந்து வந்த எவ்வளவோ பறவைகள் உள்ளிட்டவை கடுமையாக பாதிக்கப்பட்டு இருக்கும்.இவ்வாறு, அவர் கூறினார்.