நடப்பாண்டு தேர்த்திருவிழா, வரும், 18ம் தேதி கொடியேற்றத்துடன் துவங்குகிறது. முந்தைய நாள், கிராமசாந்தி நிகழ்ச்சியும் நடக்கிறது. வரும், 19ம் தேதி, சூரிய, சந்திர மண்டல காட்சி; 20ம் தேதி பூதவாகனம், சிம்ம வாகன காட்சி; 21ல் புஷ்ப விமான காட்சி; 22ல், பஞ்சமூர்த்திகள் புறப்பாடு மற்றும் ரிஷப வாகன காட்சி.

வரும் 23ம் தேதி திருக்கல்யாணம், யானை வாகனம் மற்றும் அன்ன வாகன காட்சிகள்; 24ம் தேதி அதிகாலை, திருமுருகநாதர் திருத்தேருக்கு எழுந்தருளுகிறார்; மாலை, 3:00 மணிக்கு தேர் வடம் பிடித்து, தேரோட்டம் நடக்க உள்ளது; 25ம் தேதி மாலை மீண்டும் வடம் பிடித்து, தேர்கள் நிலையை வந்தடைகின்றன.

குதிரை மற்றும் சிம்ம வாகன காட்சியும், தெப்பத்திருவிழாவும், 26ல் நடக்கிறது; சுந்தரருடன், எம்பெருமான் வேடுபறி திருவிளையாடல் நிகழ்த்திய வைபவம், 27ம் தேதி நடக்கிறது. வரும், 28ல் பிரம்ம தாண்டவ தரிசன காட்சியும், 29ம் தேதி மஞ்சள் நீர்விழாவும் நடைபெற உள்ளது.