ADDED : மார் 29, 2025 11:24 PM
திருப்பூர்: 'நீட்' தேர்வு, மே 4ம் தேதி நடக்கிறது. திருப்பூர் மாவட்டத்தில், அரசு பள்ளிகளில் படித்தவர்களில், 385 மாணவ, மாணவியர், 'நீட்' தேர்வு பயிற்சிக்கு விண்ணப்பித்துள்ளனர்.
அவிநாசி, திருப்பூர் தெற்கு, திருப்பூர் வடக்கு மற்றும் ஊத்துக்குளி ஒன்றியங்களை சேர்ந்த மாணவ, மாணவியருக்கு, திருப்பூர் ஜெய்வாபாய் மற்றும் கே.எஸ்.சி., அரசு மேல்நிலைப்பள்ளி, தாராபுரம், மூலனுார், குண்டடம் மற்றும் வெள்ளகோவில் ஒன்றிய பகுதியை சேர்ந்தவர்களுக்கு, தாராபுரம் என்.சி.பி., ஆண்கள் நகரவை பள்ளி,பொங்கலுார், காங்கயம், பல்லடம் ஒன்றியங்களுக்கு, பல்லடம் அரசு பெண்கள் மேல்நிலைப்பள்ளி; உடுமலை, குடிமங்கலம் மற்றும் மடத்துக்குளம் ஒன்றியங்களுக்கு, உடுமலை ஆர்.கே.ஆர்., மேல்நிலைப்பள்ளி ஆகிய ஐந்து இடங்களில், நீட் பயிற்சி மையம் அமைக்கப்பட்டுள்ளதாக, கல்வித்துறையினர் தெரிவித்தனர்.
