UPDATED : ஆக 08, 2026 09:02 PM
ADDED : ஆக 08, 2026 07:30 PM

திருப்பூர்:திருப்பூர் மாவட்ட எல்லையான சாமளாபுரம் முதல் மங்கலம் வரை 15 கி.மீ. தொலைவிலான நொய்யல் ஆற்றை துாய்மைப்படுத்தும் பணியை உதயம் பவுண்டேஷன் மேற்கொண்டு வருகிறது. மாவட்ட நிர்வாகம், நீர்வளத்துறை வழிகாட்டுதலுடன் மேற்கு ரோட்டரி அறக்கட்டளை மற்றும் வனம் இந்தியா பவுண்டேஷன் ஆகிய அமைப்புகளுடன் இணைந்து கூட்டு முயற்சியாக இப்பணி நடைபெறுகிறது.
கடந்த 3-ம் தேதி மங்கலத்தில் தொடங்கிய பணிகள் மூலம் பொக்லைன் மற்றும் ஹிட்டாச்சி இயந்திரங்கள் கொண்டு ஆகாயத்தாமரை, சீமைக்கருவேல புதர்கள் அகற்றப்பட்டு துார்வாரும் பணிகளும், கரைகளைப் பலப்படுத்தும் பணிகளும் விரைவாக நடந்து வருகின்றன. தற்போது மங்கலம் முதல் நல்லம்மன் தடுப்பணை வரை பணிகள் நிறைவடைந்துள்ளன.
வடகிழக்கு பருவமழை தொடங்கவுள்ள நிலையில், பணிகளை விரைந்து முடிக்க சாமளாபுரத்தில் இருந்தும் உதயம் பவுண்டேஷனின் மற்றொரு குழு சுத்தப்படுத்தும் பணியைத் தொடங்குகிறது.
நொய்யல் ஆறு துார்வாரும் பணி நடக்கிறது.
இடம்: மங்கலம்.
