நேற்று முன்தினம் இரவு முதல், குப்பையால் நிரம்பி வழிந்த காளம்பாளையம் பாறைக்குழியில், தீ பரவி, குப்பை எரிந்து வருகிறது; இதனால், அப்பகுதி முழுக்க புகைமண்டலமாக மாறியது.

அப்பகுதி மக்கள் கூறியதாவது:

பாறைக்குழியில் கொட்டப்பட்டுள்ள குப்பையில், தானாக தீ பிடித்ததா, அல்லது யாரேனும் தீ வைத்தனரா என்பது தெரியவில்லை. பாறைக்குழியில் கொட்டப்படும் குப்பை, முறையாக மேலாண்மை செய்யப்படும்; இதனால், பொதுமக்களுக்கு எவ்வித இடையூறும் ஏற்படாது என, மாநகராட்சி நிர்வாகம் அறிவித்திருந்தது. இது வெறும் பேச்சளவில் மட்டும் தான் என்பது, இதன் வாயிலாக நிரூபணமாகி இருக்கிறது. புகை மண்டலத்தால் ஆஸ்துமா உள்ளிட்ட மூச்சுப்பிரச்னைகள் ஏற்படும் வாய்ப்புண்டு. இவ்விவகாரத்தில் உரிய நடவடிக்கை எடுக்க வேண்டும்.