கிரிவலப் பாதையில், ஏராளமான மது பாட்டில்கள் கிடக்கின்றன. குளம், குட்டைகள், பி.ஏ.பி., வாய்க்கால், விளை நிலங்கள் உள்ளிட்டவற்றில் அத்துமீறும் 'குடி'மகன்கள், மது பாட்டில்களை அங்கேயே வீசி செல்வதால், சுற்றுச்சூழல் பாதிக்கப்படுவதுடன், விவசாயிகளும் அவதிப்படுகின்றனர். கால்நடைகளும் பாதிக்கப்படுகின்றன. அத்துமீறும் 'குடி'மகன்கள் தற்போது கோவிலையும் விட்டு வைக்கவில்லை.

கோவில் கிரிவலப் பாதையில், மது அருந்திவிட்டு, பாட்டில்களை அங்கேயே வீசி செல்கின்றனர். கோவிலின் புனிதம் காக்க, பக்தர்கள் பயன்படுத்தும் கிரிவலப் பாதையில், விளக்குகள் பொருத்தியும், கேமராக்கள் அமைத்தும், கண்காணிக்க வேண்டும். இல்லையெனில், கிரிவலப் பாதை 'குடி'மகன்களின் கூடாரமாகவே மாறிவிடக்கூடும்.