நேற்று அதிகாலை குண்டம் இறங்குதல் நிகழ்ச்சி நடைபெற்றது. முன்னதாக பாரியூர் கொண்டத்து காளியம்மனை அழைத்தல் நிகழ்ச்சி நடந்தது. பொங்காளியம்மனுக்கு சிறப்பு பூஜையை தொடர்ந்து, ஏராளமான பக்தர்கள் வரிசையாக குண்டம் இறங்கி நேர்த்தி கடனை செலுத்தினர். காலை 11:00 மணிக்கு ரத ஆரோகணம், மாலை 4:00 மணிக்கு ரத உற்சவம் உள்ளிட்ட நிகழ்ச்சிகள் நடந்தன. முன்னதாக, பக்தர்களுக்கு அன்னதானம் வழங்கப்பட்டது.

நாளை இரவு 9:00 மணிக்கு அலங்கார முத்து பல்லக்கில் அம்மன் திருவீதி உலா செல்லுதல். தொடர்ந்து வள்ளி கும்மி மற்றும் பெருஞ்சலங்கை ஆட்டம் நடக்கிறது. நாளை மறுநாள் இரவு 9:00 மணிக்கு பஞ்ச மூர்த்திகள் திருவீதி உலா செல்லுதல், 19ம் தேதி மஞ்சள் நீர் உற்சவம், 20ம் தேதி காலை மறு பூஜையுடன் திருவிழா நிறைவு பெறுகிறது. ஏற்பாடுகளை விழா குழுவினர் மற்றும் ஊர் பொதுமக்கள் செய்துள்ளனர்.