சோமவார பிரதோஷம் என்பதால், சிவாலயங்களில் நேற்று பக்தர்கள் தீபம் ஏற்றி வைத்து, சிறப்பு வழிபாடு நடத்தினர். விஸ்வேஸ்வர சுவாமி கோவிலில், மாலை, 4:00 மணிக்கு மூலவருக்கும், அதனை தொடர்ந்து அதிகாரி நந்திக்கும் அபிேஷகம் மற்றும் அலங்கார பூஜைகள் நடந்தது. தொடர்ந்து, உமாமகேஸ்வரருக்கு, மகா சுபிேஷகமும், சிறப்பு அலங்காரபூஜையும் நடந்தது. வெள்ளி ரிஷப வாகனத்தில் எழுந்தருளிய உற்சவமூர்த்திகள், கோவில் பிரகாரத்தை வலம் வந்து அருள்பாலித்தனர்.

 எஸ்.பெரியபாளையம் சுக்ரீஸ்வரர் கோவிலில், மாலையில் மூலவர் மற்றும் அதிகாரநந்திக்கு மகா அபிேஷகம் நடந்தது. தொடர்ந்து, உற்சவர் சிறப்பு அலங்கார பூஜையும், சுவாமி பிரகார உலாவும் நடந்தது. திருப்பூர் சுற்றுப்பகுதியில் உள்ள சிவாலயங்களில் நடந்த பிரதோஷ பூஜையில், ஏராளமான பக்தர்கள் கலந்துகொண்டனர்.