பல்லடம் அடுத்த ஆறாக்குளம் கிராமத்தைச் சேர்ந்த வெங்கடசாமி மனைவி செல்வநாயகி, 48. கால்நடை விவசாயியான இவருக்கு, கர்நாடக மாநிலம், பெங்களூருவில் தென்னிந்திய அளவிலான பால் உற்பத்தியாளர்கள் சங்கத்தின் சார்பில், சிறந்த பால் உற்பத்தி செய்யும் விவசாயிக்கான விருது வழங்கப்பட்டது. தமிழக அளவில் விருது பெற்ற ஒரே ஒரு பெண்மணி இவர் மட்டுமே. நேற்று, ஊர் பொதுமக்கள் சார்பில் செல்வநாயகிக்கு பாராட்டு தெரிவிக்கப்பட்டது.