திருப்பூர் சிக்கண்ணா அரசு கலைக் கல்லுாரியில் 54-வது பட்டமேற்பு விழா நேற்று நடந்தது. கல்லுாரி முதல்வர் கிருஷ்ணன் ஆண்டறிக்கை வாசித்தார். இளநிலையில் 637 பேரும், முதுநிலையில் 199 பேரும் என மொத்தம் 836 பேருக்கு பட்டச் சான்றிதழ்கள் வழங்கப்பட்டன.

சிறப்பு விருந்தினராக பங்கேற்ற மக்கள் சிந்தனைப் பேரவை தலைவர் ஸ்டாலின் குணசேகரன் பேசுகையில், ‘‘வாசிப்புதான் ஒரு மனிதனின் அனைத்து படிநிலைகளிலும் முன்னேற உதவும் சிறந்த கருவி. பட்டம் பெற்ற பின்பும் வாசிப்பைத் தொடர வேண்டும். உயர்கல்வி, குறிப்பாக ஆராய்ச்சிப் படிப்புகளில் மாணவர்கள் கவனம் செலுத்த வேண்டும். ஒரு பிரச்னைக்குத் தீர்வு காணவும், புதிய வழிகளைக் கண்டறியவும் ஆராய்ச்சி முக்கியம். ஆராய்ச்சியில் கவனம் செலுத்தினால் வாய்ப்புகள் தேடி வரும்’’ என்றார்.

14 மாணவர்கள்

பல்கலை ரேங்க்

கல்லுாரியைச் சேர்ந்த எட்டு இளங்கலை, ஆறு முதுகலை மாணவ, மாணவியர் உட்பட 14 பேர் பாரதியார் பல்கலை அளவில் முதல் பத்து இடங்களுக்குள் பெற்று அசத்தினர்.

இளநிலை: சர்வதேச வணிகவியல் – கீரன்கவுதமன் முதலிடம், மைத்ரேயன் இரண்டாமிடம், காயத்ரி ஐந்தாமிடம், மோனிகா ஏழாமிடம், ராகவி எட்டாமிடம், கண்ணன் பத்தாமிடம். பொருளியல் – சக்திவேல் ஏழாமிடம். விலங்கியல் – யாஸ்மின் நான்காமிடம்.

முதுகலை: சர்வதேச வணிகவியல் – லக் ஷனா மூன்றாமிடம், கோகிலா ஏழாமிடம், அபர்ணா எட்டாமிடம், பவித்ரா பத்தாமிடம். வேதியியல் – கவுசல்யா நான்காமிடம். தமிழ் இலக்கியம் – மைத்ரா ஒன்பதாமிடம்.

–––

2 படங்கள் – 4 காலம்

சிக்கண்ணா கல்லுாரியில் நடந்த பட்டமேற்பு விழாவில், மாணவி ஒருவருக்கு பட்டச்சான்றிதழை மக்கள் சிந்தனைப்பேரவை தலைவர் ஸ்டாலின் குணசேகரன் வழங்கினார். அருகில், கல்லுாரி முதல்வர் கிருஷ்ணன்.

பட்டம் பெற்ற மாணவ, மாணவியர்.