திருப்பூர்; திருப்பூரில், தி.மு.க., அலுவலகத்தில் நடந்த பொங்கல் விழாவில் பெண்களுக்கு 100 ரூபாய், புத்தம் புதிய தாள் பரிசாக வழங்கப்பட்டது.திருப்பூர் வடக்கு மாவட்ட தி.மு.க., அலுவலகம், ராஜாராவ் வீதியில் உள்ளது. நேற்று இந்த அலுவலகத்தில், பொங்கல் விழா கொண்டாடப்பட்டது. மாவட்ட செயலாளர் எம்.எல்.ஏ., செல்வராஜ் தலைமையில், மாவட்ட அவைத் தலைவர் நடராஜன் முன்னிலையில் பொங்கல் விழா நடந்தது. நகர செயலாளர்கள் தினேஷ்குமார், நாகராஜ், மாணவர் அணி செயலாளர் திலகராஜ் மற்றும் மகளிர் அணியினர் பங்கேற்றனர்.