திருப்பூர்: திருப்பூர், காலேஜ் ரோடு, மாஸ்கோ நகர் மாநகராட்சி துவக்கப் பள்ளியில் அறிவியல் கண்காட்சி நடந்தது. பள்ளி தலைமை ஆசிரியர் செந்தில்வடிவு வரவேற்றார். பள்ளி மேலாண்மை குழு தலைவர் புவனேஸ்வரி முன்னிலை வகித்தார். ஐம்பதுக்கும் மேற்பட்ட பல்வேறு தலைப்புகளில், குழந்தைகள், தங்கள் படைப்புகளை காட்சிப்படுத்தியிருந்தனர். கண்காட்சி அரங்குக்கு வந்த பெற்றோரை பள்ளி ஆசிரியர் உருவாக்கிய இரு 'மாணவர் ரோபோக்கள்' வரவேற்றன.