மாவட்ட அளவில் நடந்த மூத்தோர் தடகள போட்டியில், ஏராளமானவர்கள் பங்கேற்று தங்களது திறமையை வெளிப்படுத்தினர்.

திருப்பூர் மூத்தோர் தடகள சங்கம் சார்பில், மாவட்ட அளவிலான மூத்தோர் தடகள போட்டி, தாராபுரம் ரோடு விவேகானந்தா வித்யாலயாவில் நேற்று நடந்தது. இருபாலருக்கான போட்டிகள் தனித்தனியாக ந டத்தப்பட்டது.

ஓட்டத்தில், 100 மீட்டர், 200, 400, 800, 1,500 மற்றும் 5 ஆயிரம் மீட்டர் ஓட்டப்பந்தயம் நடந்தது. இதுதவிர, 5 கி.மீ., வேக நடைபோட்டி, தடை தாண்டுதல், குண்டு எறிதல், சங்கிலி குண்டு எறிதல், தட்டு எறிதல், ஈட்டி எறிதல் உள் ளிட்ட போட்டிகள் நடந்தது. இந்த போட்டிகளில், ஆண்கள், பெண்கள் என, ஏராளமானோர் பங்கேற்று, விளையாட்டுக்கு வயது ஒரு தடை கிடையாது, தன்னம்பிக்கை இருந்தால், அனைத்திலும் சாதிக்கலாம் என்ற வகையில் பங்கேற்று சிறப்பாக போட்டிகளில் விளையாடினர்.