கிராமிய மக்கள் இயக்க ஒருங்கிணைப்பாளர் சம்பத்குமார் வழிகாட்டுதலின் பேரில், ஏரி, குட்டைகளில் 18 ஆயிரம் பனை விதைகள் நடப்பட்டன. அண்ணமார் கோவில், அரசு தொடக்கப்பள்ளி, ஊராட்சி அலுவலக வளாகங்கள் சுத்தம் செய்யப்பட்டன. லோட்டஸ் மருத்துவமனை சார்பில் இலவச கண் பரிசோதனை முகாம் நடந்தது.

போதைப்பொருட்கள், நெகிழி ஒழிப்பு உள்ளிட்ட விழிப்புணர்வு நிகழ்ச்சிகள், மாலையில் நடத்தப்பட்டன.

தாளாளர் மயிலாவதி, முதல்வர் சக்தி வேலுசாமி, நாட்டு நலப்பணி திட்ட ஒருங்கிணைப்பாளர் சரவணன் ஆகியோர் முகாமை பார்வையிட்டு மாணவர்களை ஊக்குவித்தனர்.