தாராபுரம் பஸ் ஸ்டாண்ட் அருகே சித்தப்பா நடத்தி வரும் மெட்ரிக் பள்ளி முறையான அனுமதியில்லாமல், விதிமுறை மீறி கட்டடம் கட்டப்பட்டது தொடர்பான குற்றச்சாட்டில், வகுப்பறைகளை இடிக்க கோர்ட் உத்தரவிட்டது.

கடந்த ஜூலை 28ம் தேதி அளவீடை பார்க்க நண்பர்கள், உறவினர் என, நான்கு பேருடன் முருகானந்தம் சென்றார். அப்போது, கூலிப்படையினர் அவரை வெட்டி கொன்றனர். இதுதொடர்பாக, சித்தப்பா தண்டபாணி, மகன் கார்த்திகேயன் உட்பட, 20 பேர் கைது செய்யப்பட்டனர். இவ்வழக்கு விசாரணை கோர்ட்டில் நடந்து வருகிறது.

பள்ளிக்கு 'சீல்' வைக்க பெற்றோர் எதிர்ப்பு ஐகோர்ட் உத்தரவுபடி விதிமீறல் பள்ளி கட்டடத்தை இடித்து, பள்ளிக்கு 'சீல்' வைக்கவும் தாராபுரம் நகராட்சி நடவடிக்கை எடுத்து வருகிறது. பள்ளியை திடீரென மூடினால், அங்கு படித்து வரும் மாணவ, மாணவியர் அனைவரும் பாதிக்கப்படுவர். பொதுதேர்வுக்கு ஓரிரண்டு மாதங்கள் உள்ளதால் நடவடிக்கையை தேர்வு முடிந்த பின் எடுக்க வேண்டும் என பெற்றோர்கள் வலியுறுத்தி வந்தனர். ஆனால், வரும் 1ம் தேதி 'சீல்' வைக்கப்பட உள்ளதாக தகவல் வெளியானது.

இதற்கு எதிர்ப்பு தெரிவித்து மாணவ, மாணவியர் நலன் கருதி, தற்காலிகமாக நடவடிக்கையை ஒத்தி வைக்க வேண்டும் என வலியுறுத்தி நேற்று முன்தினம் பெற்றோர்கள் போராட்டத்தில் ஈடுபட்டனர். தொடர்ந்து, கல்வி துறை, வருவாய்துறையினர் பேச்சு நடத்தி, சமாதானம் செய்தனர்.

பெற்றோர் கோரிக்கை தொடர்பாக நடவடிக்கை எடுக்காததால், நுாற்றுக்கணக்கான பெற்றோர் தாராபுரம் பஸ் ஸ்டாண்ட் அருகே சாலை மறியல் போராட்டத்தில் ஈடுபட்டனர்.

அதிகாரிகள் பேச்சு நடத்தி, கலெக்டர் கவனத்துக்கு கொண்டு சென்றனர். ஓரிரண்டு நாட்களில் கோரிக்கை தொடர்பாக நடவடிக்கை எடுக்கப்படும் என்று தெரிவித்தனர்.