அனுப்பர்பாளையம்: திருப்பூர், சாமுண்டிபுரம், செல்லம்மாள் காலனி மாநகராட்சி தொடக்கப் பள்ளியில் 400-க்கும் மேற்பட்ட மாணவர்கள் படித்து வருகின்றனர். சுற்றுச்சுவர் இல்லாததால் மாணவர்களின் பாதுகாப்பு கேள்விக்குறியாக இருந்தது. இதையடுத்து, பள்ளி பெற்றோர் ஆசிரியர் கழகம், மேலாண்மைக் குழு, ஆசிரியர்கள் மற்றும் பொதுமக்கள் இணைந்து ரூ.4 லட்சத்தில் சுற்றுச்சுவர் அமைக்க முடிவு செய்தனர். இதில் ஆசிரியர்கள், பொதுமக்கள் தலா ரூ.50 ஆயிரம் வழங்கியுள்ளனர். மீதித் தொகையை மற்ற தரப்பினர் வழங்க உறுதியளித்துள்ளனர்.