இதில், 14 வயது பிரிவில், எஸ்.பெரியபாளையம் அரசு உயர்நிலைப்பள்ளி அணி வெற்றி பெற்றது. மணி பப்ளிக் பள்ளி அணி, இரண்டாமிடம் பெற்றது. 17 வயது பிரிவில், எஸ்.பெரியபாளையம் பள்ளி அணி முதலிடம் பெற்றது; பிளாட்டோஸ் பள்ளி அணி இரண்டாமிடம் பெற்றது. 19 வயது பிரிவில், விவேகானந்தா பள்ளி அணி, எம்.என்.எம்.சி., பள்ளி அணியை வென்றது.

கைப்பந்து திருப்பூர் தெற்கு குறுமைய அளவிலான பெண்களுக்கான கைப்பந்து போட்டியில், 14 வயது பிரிவில், செயின்ட் ஜோசப் பள்ளி அணி, 3-1 என்ற புள்ளி கணக்கில் எம்.என்.எம்.சி., பள்ளி அணியை வென்றது. 17 வயது பிரிவிலும் செயின்ட் ஜோசப் பள்ளி அணி, 3-1 என்ற புள்ளி கணக்கில், பிரன்ட் லைன் பள்ளி அணியை வென்றது. 19 வயது பிரிவில், அலகுமலை ஸ்ரீவித்யாலயா பள்ளி அணி, 4-2 என்ற புள்ளி கணக்கில் எஸ்.பெரியபாளையம் பள்ளி அணியை வென்றது.

கால்பந்து அவிநாசி குறுமைய அளவிலான கால்பந்து, 14 வயது பிரிவில், அவிநாசி கல்வி நிலைய பள்ளி அணி, முதல் போட்டியில், ஹயக்ரீவர் பள்ளி அணியை, 1-0 என்ற கோல் கணக்கில் வென்றது. இரண்டாவது போட்டியில், எஸ்.கே.எல்., பள்ளி அணியை, 1-0 என்ற கோல் கணக்கில் வெற்றி பெற்றது.

இறுதிப்போட்டியில், பெருமாநல்லுார் ஸ்ரீவிக்னேஸ்வரா பள்ளி அணியுடன் மோதிய, அவிநாசி கல்வி நிலைய அணி, 3 - 0 என்ற கோல் கணக்கில் வெற்றி பெற்றது. இதன் மூலம், அவிநாசி கல்வி நிலைய அணி, மாவட்ட அளவிலான சுற்றுக்கு தகுதி பெற்றுள்ளது. வெற்றி பெற்ற அணியினரை, பள்ளி முதல்வர் மற்றும் ஆசிரியர்கள் பாராட்டினர்.