ஏராளமான விவசாயிகள் மின் இணைப்பு பெற ஆர்வம் காட்டினர். நேற்று, திடீரென ஆன்லைன் பதிவு முடங்கியதால், விவசாயிகள், விண்ணப்பம் பெற முடியாது என்று கூறி திருப்பி அனுப்பப்பட்டனர்.

பல்லடம் மின்வாரிய செயற்பொறியாளர் பழனிசாமியிடம் கேட்டதற்கு, ''தமிழகம் முழுவதும், 10 ஆயிரம் தட்கல் மின் இணைப்புகளுக்கு மட்டுமே இலக்கு நிர்ணயிக்கப்பட்டிருந்தது. இதன்படி, பல்லடம் வட்டார விவசாயிகளிடம், 101 விண்ணப்பங்கள் பெறப்பட்டு இறுதி செய்யப்பட்டன. ஆன்லைன் பதிவு முறை பயன்பாட்டுக்கு வந்தால் மட்டுமே, விண்ணப்பங்களை பதிவு செய்ய முடியும்,'' என்றார்.

பல்லடம் வட்டார விவசாயிகள் கூறுகையில், 'துவங்கிய இரண்டே நாளில், விண்ணப்பிக்க முடியாதபடி, ஆன்லைன் பதிவு முடங்கியது. ஏற்கனவே, மழை குறைவு காரணமாக, தண்ணீர் இல்லாமல் பரிதவித்து வருகிறோம். எனவே, இத்திட்டத்தில் கூடுதல் மின் இணைப்புகள் வழங்க வேண்டும்,' என்றனர்.