இதையடுத்து, அறநிலையத்துறை சார்பில், கோவில் புனரமைப்பு பணி மேற்கொள்ள நடவடிக்கை எடுக்கப்பட்டது. கோவில் பழமையானது என்பதால், தொல்பொருள் துறைக்கு தகவல் அளிக்கப்பட்டது. தொல்பொருள் துறையினர் பார்வையிட்டு, இதற்கான கருத்துருவை அளித்தனர். இது மண்டல குழு மூலம் பரிந்துரைத்து, மாநில குழுவுக்கு அனுப்பி வைக்கப்பட்டது.

கடந்த இரண்டாண்டாக மேற்கொள்ளப்பட்ட இந்த நடவடிக்கையை அடுத்து, கோவில் பழமை மாறாமல் புதுப்பிக்கும் பணி துவங்கியது. தொல்பொருள் துறையினர் இதை பார்வையிட்டு, கோவில் கட்டுமானத்தில் உள்ள கற்களை எண் குறிப்பிட்டு அடையாளப்படுத்தினர். கோவில் புனரமைப்பு பணி துவங்கப்பட்டுள்ளது.

விரைவில்இப்பணி நிறைவுற்று கோவில் புதுப்பொலிவு பெறும் எனத் தெரிவிக்கப்பட்டது.