பனியின் தாக்கம், அதிகளவில் இலை உதிர்வதுடன், நிறம் மாறி விடுவதால், கறிவேப்பிலை வரத்து குறைந்துள்ளது. இதனால், கிலோ, 50 ரூபாய்க்கும், கட்டு, 20 ரூபாய்க்கும் கறிவேப்பிலை விற்றது. கொத்தமல்லி விளைச்சல் அதிகரித்துள்ளது. வரத்து அதிகரிப்பதால், மூன்று கட்டு, 20 ரூபாய். கிலோ, 30 ரூபாய்க்கு கொத்தமல்லி இலை விற்கிறது.

மலை காய்கறி மட்டும் விலை உயர்ந்துள்ளது; கேரட், 60, பீன்ஸ், 65, ஊட்டி பீட்ரூட், 50 ரூபாய். சீசன் இல்லாத நிலையில், வரத்து தொடர்ந்து அதிகரிப்பதால், எலுமிச்சை தொடர்ந்து விலை குறைந்து கிலோ, 50 ரூபாய்க்கு வந்து விட்டது. முருங்கை வரத்து தற்போது தான் மெல்ல துவங்கியுள்ளது.