குண்டு மழையாகப் பொழிந்தபோது, என் முன்பு நின்றுகொண்டிருந்தவர்கள் மீது குண்டு பாய்ந்தது. நாங்கள் ஒட்டுமொத்தமாக பதுங்குகுழியில் சரிந்தோம்.

இதில் எனது முதுகெலும்பு உடைந்தது. மூன்று ஆண்டுகள் சிகிச்சையில் இருந்தேன்.

ஜம்முவில் ரஜோரி என்ற இடத்தில் பணிபுரிந்தபோது, நண்பர்கள் மூவர், ஒரே தட்டில், சாப்பிட்டுக்கொண்டிருந்தோம். திடீரென எதிரில் அமர்ந்த நண்பரின் நெஞ்சில் குண்டு பாய்ந்தது. ரத்தம் தட்டில் விழுந்தது. குண்டடி பட்டவர், குண்டு யார் மீது விழுந்தது என்று எங்களிடம் கேட்டார். அப்போதுதான் தெரிந்தது; கேட்டவரின் நெஞ்சில்தான் குண்டு பாய்ந்தது என்று.

அங்கிருந்து 9 கி.மீ., துாரம் மருத்துவமனைக்கு அவரை அழைத்துச்செல்ல வேண்டியிருந்தது. அதற்குள் அவர் இறந்துவிட்டார். என் நெஞ்சில் மறக்க முடியாத சம்பவமாக இது அமைந்தது.

தற்போது, வீரபாண்டியில் வசிக்கிறோம்; சமையல் எரிவாயு ஏஜன்சி நடத்துகிறார். ராணுவ வீரர்களின் பெருமையை ஒவ்வொருவரும் உணர்ந்து கொண்டால், தேசத்தின் மீது நாம் கொண்டுள்ள பற்று அதிகரிக்கும்.