உடுமலை சதாசிவம் வீதியில் அமைந்துள்ள ஸ்ரீ தலைகொண்டம்மன் கோவிலில், திருவிழா ஏப்., 29ல், நோன்பு சாட்டுதலுடன் துவங்கியது. கொடுமுடியில் இருந்து தீர்த்தம் எடுத்து வந்து அம்மன் அழைத்தல் நிகழ்ச்சி நடந்தது.

நேற்று காலை மாவிளக்கு, பூவோடு எடுத்தல் நிகழ்ச்சிக்கு பிறகு, காலை 9:00 மணிக்கு மேல் 10:30 மணிக்குள் அம்மனுக்கு திருக்கல்யாண உற்சவம் நடந்தது. பக்தர்களுக்கு அன்னதானம் வழங்கப்பட்டது.

நாளை (16ம் தேதி) சிம்ம வாகனத்தில் அம்மன் திருவீதி உலா நிகழ்ச்சியும், மஞ்சள் நீராட்டும் நடைபெறுகிறது.