கொங்கேழு சிவாலயங்களில் முதன்மை வாய்ந்த ஸ்ரீ கருணாம்பிகை அம்மன் உடனமர் அவிநாசி லிங்கேஸ்வரர் கோவிலில், வரும் 2ம் தேதி மஹா கும்பாபிஷேக விழா நடைபெற உள்ளது. இதற்காக, 24ம் தேதி மஹா கணபதி ேஹாமத்துடன் யாக பூஜைகள் துவங்கின.

நேற்று மாலை யாகசாலை பூஜையின் துவக்கமாக, காலை தீர்த்தக்குட ஊர்வலம் நடைபெற்றது. இதற்காக, 27ம் தேதி கர்நாடக மாநிலம், தலைக்காவிரிக்கு தீர்த்தம் எடுத்து வர பக்தர்கள் சென்று, நேற்று முன்தினம் இரவு திரும்பியனர்.

இதனை தொடர்ந்து, பக்தர்கள் ஸ்ரீ வீரஆஞ்சநேயர் கோவிலில் இருந்து நான்கு ரத வீதிகளிலும், தீர்த்தக்குடம் சுமந்தும், முளைப்பாலிகை எடுத்தும் ஊர்வலமாக சென்றனர். சிவகண பூத வாத்தியங்களை சிவனடியார்கள் இசைக்க, குதிரை நாட்டியமாட, ஊர்வலம் கோவிலை அடைந்தது. அதன்பின், யாகசாலையில், தீர்த்தக்குடங்களை வைத்து சிறப்பு பூஜை நடைபெற்றது.