திருக்குறள் முற்றோதுதல், திருக்குறள் பொருள் சார்ந்த திரைப்பட பாடல், திருக்குறளின் பெருமை தலைப்பில் கவியரங்கம், பாண்டியன்நகர் தாய்த்தமிழ் பள்ளி குழந்தைகளின் கலைநிகழ்ச்சி ஒவ்வொரு நாளும் ஒரு நிகழ்ச்சி நடந்து நுாலகம் முழுதும் திருக்குறளும், மனமும், தினசரி கமழ்ந்தது.

நிறைவாக, திருப்பூர் மக்கள் மாமன்றத்தினர் ஏற்பாடு செய்திருந்த, திருக்குறள் அரங்கேற்றம் ஓரங்க நாடகம் நிகழ்வு பார்வையாளர்களை மெய்சிலிர்க்க வைத்தது. தொழில்நுட்பங்களே வளராத அந்த காலகட்டத்தில், தன் இயற்றிய திருக்குறளை, அரங்கேற்றம் செய்ய வள்ளுவர் பட்ட சிரமம், படிப்பினைகளையும், தமிழின் மேல் அன்றைய அரசன், மக்கள் கொண்டிருந்த அளவில்லா பேரன்பை கண்முன் காட்டுவதாக வியப்பை தந்தது, ஓரங்க நாடக நிகழ்ச்சி.

இது போன்ற நிகழ்ச்சிகளை ஏற்பாடு செய்யும் மாவட்ட நிர்வாகம், மாவட்ட மைய நுாலகம் போன்ற சிறிய அறை, 20 பேருக்கு மேல் அமர முடியாத இடத்தில் நடத்தாமல், வேறு இடங்களில் நடத்தி, பள்ளி, கல்லுாரி மாணவ, மாணவியர், பார்வையாளராக பொதுமக்களையும் அனுமதித்தால், திருக்குறளின் பெருமைகளும், சிறப்புகளும் கன்னியாகுமரியில் உள்ள வள்ளுவரின் சிலை உயரத்தையும் தாண்டி இன்னமும் செல்லும் என்பது நிதர்சனம்.