இந்நிலையில் ஜூலை பிறப்பு முதல் தக்காளி வரத்து மெல்ல குறைய துவங்கியுள்ளது; அதே நேரம் விற்பனை குறையவில்லை. இதனால், தட்டுப்பாடு மெல்ல தலைதுாக்குகிறது. நேற்று, புதிய பஸ் ஸ்டாண்ட் பின்புறம் உள்ள வடக்கு உழவர் சந்தைக்கு, 2.23 டன் தக்காளி விற்பனைக்கு வந்தது. மொத்த விலையில், தக்காளி, 25 - 30 ரூபாய்க்கு விற்கப்பட்டது. இதனால், வெளிமார்க்கெட்டில், ஒரு கிலோ தக்காளி, 35 ரூபாயானது.கடந்த, நான்கு மாதங்களாக (120 நாட்கள்) தக்காளி விலை உயராமல், 15 - 20 என்ற நிலையிலேயே இருந்தது. தற்போது, வரத்து குறைவால் திருப்பூரில் தக்காளி விலை உயர்ந்துள்ளது.