நேற்று இப்பிரச்னையை வலியுறுத்தி டில்லியில் உள்ள தலைமை தேர்தல் கமிஷன் அலுவலகம் நோக்கி, காங்., எம்.பி., ராகுல், பிரியங்கா உள்ளிட்டோர் திரண்டு ஊர்வலமாகச் சென்றனர். போலீசார் அவர்களைக் கைது செய்தனர். ராகுல், பிரியங்கா கைதை கண்டித்து திருப்பூரில் நேற்று மாலை இளைஞர் காங்., சார்பில் மறியல் போராட்டம் நடந்தது.

அதன் மாநில தலைவர் சூரியபிரகாஷ் தலைமையில், அக்கட்சியினர் குமரன் ரோட்டில் மறியலில் ஈடுபட்டனர். இதனால், போக்குவரத்து பாதிக்கப்பட்டது. வடக்கு போலீசார் மறியலில் ஈடுபட்ட, 40 பேரை கைது செய்து, திருமண மண்டபத்தில் தங்க வைத்தனர்.