பின், காலை, 6:00க்கு திருச்சியில் புறப்பட்டு, 10:25க்கு திருப்பூருக்கும், மதியம், 12:05க்கு மேட்டுப்பாளையத்துக்கும் செல்கிறது. மதியம், 2:15 ஊட்டி, மாலை, 4:15 கூடலுார் சென்றடைகிறது. நீண்ட துாரம் பயணிக்கும் இந்த பஸ்சில் முன்பதிவு டிக்கெட் வசதி ஏற்படுத்த வேண்டும் என பயணிகள் வலியுறுத்துகின்றனர்.

பயணிகள் கூறுகையில், 'நள்ளிரவு திருப்பூர் வரும் பஸ்சில் திருச்சிக்கு பயணிக்க முடியவில்லை. கூடலுாரில் இருந்து ஊட்டிக்கும், ஊட்டியில் இருந்து திருப்பூருக்கும் பயணிகள் எண்ணிக்கை கூடுதலாக உள்ளது. திருச்சியில் இருந்து ஊட்டிக்கு இந்த பஸ்சில் பயணிப்போர் பலர் உள்ளனர். இதனால், இந்த பஸ்சில் முன்பதிவு டிக்கெட் முறையை நடைமுறைக்கு கொண்டு வர வேண்டும். கலெக் ஷனுக்கு ஏற்ப இவ்வழித்தடத்தில் கூடுதல் பஸ் இயக்க வேண்டும்,' என்றனர்.