தபால் துறையினர் கூறுகையில், ''புதிய கணக்கு துவங்குவதில் ஒரு புறம் ஆர்வம் இருந்தாலும், இடைநின்ற கணக்கை புதுப்பிக்க பலரும் அக்கறை செலுத்துவதில்லை. 50 ரூபாய் அபராதம் செலுத்தினால், விடுப்பட்ட கணக்கினை மீண்டும் துவங்கலாம். எந்த திட்டத்திலும் இல்லாத வகையில் செல்வ மகள் சேமிப்பு திட்டத்தில் தான், முதலீடு செய்யும் தொகைக்கு 'பிரிவு 80 சி' -இன் கீழ் வரிவிலக்கு உள்ளது. பெண்ணுக்கு 18 வயது நிறைவடையும் போது அவரது கல்வி அல்லது திருமண செலவுக்காக கணக்கில் உள்ள தொகையில் 50 சதவீதத்தை பெற்றுக்கொள்ளலாம். கணக்கை வேறு வங்கிகளுக்கோ, அல்லது வேறு தபால் நிலைய கிளைகளுக்கோ மாற்ற விரும்பினால் அதற்கும் வழியுண்டு. 100 ரூபாய் கட்டணமாகச் செலுத்தி கணக்கை மாற்றிக்கொள்ளலாம்,' என்றனர்.